كلمات وكر العصفور لأغنية ((1,000,00))

ياولدي إذا تبغى البنت ترى مهرها مية الف
مايهمني انت عاطل ولا موظف
اهم شي المية الف
تجيب الفلوس خود البنت
قال مية الف قال ابوك ياشيخ على ابو الزواج
ياشيخ فين المايك بس قال مية الف قال
شباب وكر العصفور صاااح
نخش في الموضوع راح نتكلم بصراحة
الوظايف خلصت مافي اي وظيفة متاحة
الجامعة وخلصناها والشهادة تبروزت
والوظيفة انسيناها والأبواب تقفلت
سنين في الدراسة وآخر حاجة اسمي عاطل
اقعد الفلف زي التاكسي رايح راجع دى الي حاصل
اقعد يدي على خدي او استنى اكتيتاب
صدقوني ياجماعة هو دى حال الشباب
يشتغلو طول اليوم ويشوفو انواع الكرف
لمى الواحد يفكر يخطب يلقى المهر مية الف
يبغو الواحد يروح يتسلف حتى يغرق في الديون
عسى عمره مااتزوج ترى يمدحو الصابون
شي طبيعي البنت تعنس لا تستبعد تنحرف
لاويقولو بختها مايل هادي فين تنصرف
يعني الواحد لازم يسرق علشان يفتحلو بيت
ولا يسوي اي شي ماوقتها حيقول ياريت

الكورس (x2)

100.000
روح دبرها حتى لو من تحت الأرض
100.000
روح تسلف حتلا لو تاخدلك قرض
100.000
بتمام ماهي ناقصة ولاريال
100.000
روح تصرف حتى لو تصير نشال

مية الف مرة اخطب في النهاية يطردوني
سرت اخاف اني اتزوج علشان مايضربوني
صابونة تعزني ولا تذلني العروسة
مستحيل اني اتسلف ماني ناقص كل دي الحوسة
صابونتي العزيزة سامحيني عل خيانة
انا راجعلك ندمان لاتكوني بس زعلانة
لو زعلتي طقي راسك في كرسي الحمام
راح اخربها اليوم نشافي حتى اتعب وانام
نرجع للموضوع الزواد والوظايف
الكل صار محتار والكل صار خايف
الشباب الي زيي في العالم مليانين
يقولو علينا صيع اويقولو عاطلين
مع اننا درسنا واتخرجنا بشاهادات
سنين اتبهدلنا حتى وسقنا في المزاط
الي تخرج بالممتاز والي تقديره مقبول
في الآخير عاطلين ياجماعة مو معقول

الكورس (x2)

100.000
روح دبرها حتى لو من تحت الأرض
100.000
روح تسلف حتلا لو تاخدلك قرض
100.000
بتمام ماهي ناقصة ولاريال
100.000
روح تصرف حتى لو تصير نشال

طز في الزواج عساني ماتزوجت
وطز في الوظيفة عساني ماتوظفت
وطز في الي يقولي عاطل او يقولي صايع
راح احط اصبعي في عينو وفعين الي يطالع
اخرتها راح اتهور او ابيع مخدرات
او اشتغل في التهريب حبوب ومنشطات
او اتعامل بالحشيش او تهريب القات
او تجارة اسلحة وجميع الممنوعات
لكن برضو ماحخربها راح اراجع حساباتي
اكيد في يوم راح تتغير كل حياتي
صحيح اني عاطل لكن الآمل موجود
ابغى انسى كل همومي وانسى كل ايامي السود
وانسى فيوم اني عاطل وانسى همومي والجراح
سنين وانا صابر على قول طلال مداح
وفي اسوآ الحالات يكفيني اني مرتاح
اطلع الي ف قلبي بالأغاني واقول صااااح

الكورس (x5)

100.000
روح دبرها حتى لو من تحت الأرض
100.000
روح تسلف حتلا لو تاخدلك قرض
100.000
بتمام ماهي ناقصة ولاريال
100.000
روح تصرف حتى لو تصير نشال

القصة دي حقيقية هادا واحد من الشباب
راح يخطب وقالولو المهر مية الف
مع انه متخرج من اربع سنين
لكن ماتوظف الا قبل ست شهور
ودحين عمره 30 سنة ولس ماجمع المية الف
لمى البنات يعجزو يقولو ياريتنا زوجناهم
ب250 ريال
شباب وكر العصفور صااااااااح